General-mayoru əvəz edəcək Nizami Mövlanov kimdir? - DOSYE
Xəbər verdiyimiz kimi, Heydər Əliyev adına Hərbi İnstitutun rektoru general-mayor Füzuli Salahov son yaş həddi ilə bağlı vəzifəsindən azad edilib.
İnstitutun rektoru vəzifəsinin icrası Vətən Müharibəsi Qəhrəmanı polkovnik Nizami Mövlanova həvalə edilib.
Ölkə.Az N.Mövlanovun dosyesini təqdim edir:
Nizami Bəydəmir oğlu Mövlanov 1976-cı ildə Qusarın Utuq qəsəbəsində anadan olub. Uşaq yaşlarından hərbçi olmağı arzulayan N.Mövlanov arzusuna çatmaq üçün 1991-ci ildə Cəmşid Naxçıvansкi adına Hərbi Liseyə daxil olub. Daha sonra 1994-1998-ci illərdə Baкı Ali Birləşmiş Komandanlıq Məкtəbində (BABKM) təhsil alıb.
Ali hərbi təhsili başa vuran N.Mövlanov 1998-ci ildən Azərbaycan Ordusunun N saylı hərbi hissəsində "leytenant" hərbi rütbəsində xidmətə başlayıb.
O, 2014-cü ildə Ağdam istiqamətində Ermənistan silahlı qüvvələrinin hücumunun qarşısının alınması zamanı yaralanıb.
1998-2015-ci illərdə müxtəlif hərbi hissələrdə fərqli vəzifələrdə xidmət edən zabit N. Mövlanov, 2015-ci ildən 2018-ci ilin aprelinə qədər Silahlı Qüvvələrin Təlim və Tədris Mərкəzində (TTM) baş müəllim işləyib. 2019-cu ildən isə ön cəbhədə müdafiə məqsədli əməliyyatlarda N saylı hərbi hissənin qərargah rəisi olaraq xidmət edib.
Azərbaycanın ərazi bütövlüyünün bərpa edilməsində xüsusi xidmətlərinə və işğal olunmuş ərazilərin azad olunması zamanı düşmənin məhv edilməsi üzrə qarşıya qoyulmuş döyüş tapşırığını yerinə yetirən zaman göstərdiyi qəhrəmanlıq nümunəsinə görə, həmçinin hərbi qulluq vəzifəsini yerinə yetirən zamanı igidliyin və mərdliyin nümayiş etdirilməsinə görə Prezident İlham Əliyevin 9 dekabr 2020-ci il tarixli Sərəncamına əsasən Nizami Mövlanova "Vətən Müharibəsi Qəhrəmanı" adı verilib.
Müxtəlif illərdə müdafiə nazirlərinin əmrləri ilə 1-ci, 2-ci və 3-cü dərəcəli “Qüsursuz xidmətə görə”, “Azərbaycan Silahlı Qüvvələri Veteranı” medalları, Azərbaycan Silahlı Qüvvələrinin 10, 90 və 95 illiyi, həmçinin "Azərbaycan Ordusunun 100 illiyi" yubiley medalları ilə də təltif edilib.
Nizami Mövlanov Bu təyinatadək Heydər Əliyev adına Hərbi İnstitutun rəis müavini vəzifəsində xidmət edib.
