Rusiya və Çin hərbi əməkdaşlığı müzakirə edildi
Rusiyanın müdafiə naziri Andrey Belousov Çin nümayəndə heyətinin Moskvaya səfəri çərçivəsində Çin Xalq Respublikası Mərkəzi Hərbi Komissiyasının sədr müavini general-polkovnik Çjan Yusya ilə danışıqlar aparıb.
"Ölkə.az" xəbər verir ki, bu barədə Rusiya Müdafiə Nazirliyi məlumat yayıb.
Məlumata görə, əsas müzakirə mövzusu ikitərəfli hərbi əməkdaşlığın inkişafı olub.
Çjan Yusya bildirib ki, Rusiya və Çin arasındakı münasibətlər yeni tipli beynəlxalq əlaqələrin modelinə çevrilib və mehriban qonşuluq, strateji qarşılıqlı əlaqə və qarşılıqlı faydalı əməkdaşlıq ruhunda inkişaf edir.
Belousov öz növbəsində Çin-Rusiya təlimlərinin quruda, dənizdə və havada genişləndiyini qeyd edərək, onların hər iki ölkənin təhlükəsizliyini təmin etməyə yönəldiyini və üçüncü ölkələrə qarşı düşmənçilik etmədiyini vurğulayıb.
Elvin
Ölkə.az
