"Qalatasaray"ın futbolçusu "Antalyaspor"da
10 il "Qalatasaray"da çıxış edən müdafiəçi Hakan Balta klubundan ayrılıb.
Ölkə.Az goal.az-a istinadən xəbər verir ki, futbolçunun yeni iş yeri də bəlli olub. 34 yaşlı oyunçu bundan belə "Antalyaspor"un uğurları üçün tər tökəcək. Hakan yeni komandası ilə 2 illik müqavilə bağlayıb.
Qeyd edək ki, əsasən müdafiənin sol cinahında çıxış edən futbolçu ötən mövsüm meydana çıxdığı 23 oyunda 1 dəfə də rəqib torunu havalandırıb.
