Azərbaycan Norveçlə oyuna bu heyətlə çıxacaq
Futbol üzrə Azərbaycan milli komandasının Norveç yığması ilə səfərdə keçirəcəyi 2018-ci il dünya çempionatının seçmə qrup matçı üçün heyəti açıqlanıb.
Ölkə.Az-ın Report-a istinadən məlumatına görə, baş məşqçi Robert Prosineçki Şimali İrlandiya ilə keçirilən oyunla müqayisədə 11-likdə 2 dəyişiklik edəcəyini bildirib.
Prosineçki Namiq Ələsgərov və Mahir Mədətova şans verəcəyini söyləyib:
“Onlar Ramil Şeydayev və Əfran İsmayılovu əvəzləyəcəklər”.
Beləliklə, start heyətdə bu futbolçular olacaqlar: Kamran Ağayev, Pavel Paşayev, Bədavi Hüseynov, Rəşad Sadıqov, Maksim Medvedev, Qara Qarayev, Riçard Almeyda, Namiq Ələsgərov, Cavid Hüseynov, Dmitri Nazarov və Mahir Mədətov.
Qeyd edək ki, sentyabrın 1-də Oslodakı “Ullevaal” stadionunda keçiriləcək Norveç - Azərbaycan matçı Bakı vaxtı ilə saat 22:45-də başlanacaq.
