Dünya futbolunun ulduzları Tiflisə toplaşdı
"Ölkə.Az" xəbər verir ki, futbol yarışının təşkilatçısı "Milan" klubunun keçmiş müdafiəçisi Kaxa Kaladze olub. Kaxa hazırda Tiflis meri postuna namizəddir.
Oyunda vaxtilə Kaladze ilə birlikdə top qovan komanda yoldaşları və məşhurlardan ibarət komanda meydançaya çıxıb.
Luka Toni, Rivaldo, Andrey Şevçenko, Kafu, Françesko Totti, Ernan Krespo, Kevin Kuranyi, Alessandro Kostakurta, Xavyer Sanyetti kimi ulduzlar meydançada top qovublar.
Oyun 6-5 hesabı ilə dünya ulduzları komandasının qələbəsi ilə başa çatıb. Oyunda Toni iki dəfə fərqlənib. Bundan başqa Aleksandr İaşvili, Miçel Salqado, Rivaldo, Kafu, Kuranyi, Totti, Georgiy Demetradze, Şevçenko və Marko Delvekkio fərqləniblər.
Oyunda satılan biletlərdən əldə edilən gəlir bu yay güclü yanğınlar nəticəsində ziyan çəkən Borjom meşələrinin bərpasına sərf ediləcək.
Hikmət Həsənov
Ölkə.Az
