Qurban Qurbanov inamlı danışdı: "Ancaq qələbə..."

"Bizi çətin və vacib oyun gözləyir. Hər şeyi düzgün etməyə çalışırıq. Bütün komanda bu oyunun məsuliyyətini dərk edir".

Bu sözləri "Qarabağ"ın baş məşqçisi Qurban Qurbanov deyib.

Sabah Avropa Liqasının qrup mərhələsində "İnter"i qəbul edəcək "Qarabağ"ın baş məşqçisi bu gün mətbuat konfransı keçirib. Qurbanov azarkeşləri sevindirmək istədiklərini bildirib: "Çox istərdik ki, sabah azarkeşlər stadionu yaxşı əhval-ruhiyyədə tərk etsinlər. Hər şeydən çox evdə məğlub olmaq istəmirik".

"Qarabağ"ın çalışdırıcısı "İnter"lə bağlı da fikir bildirib: "Güclü rəqibə qarşı oynayacağıq. Oyuna tam hazırıq. Rəqib Roberto Mançininin gəlişindən sonra dəyişilib. Bu üzdən ola bilər ki, onlar sabah tam fərqli taktika ilə meydana çıxa bilərlər ki, bu da bizim üçün pisdir".

Qurbanov bildirib ki, rəqibin Bakıya tam heyətlə gəlməməsi "Qarabağ"a mənfi təsir edə bilər: "Bu, əksinə futbolçularımıza mane ola bilər. Əminəm ki, rəqibin meydana çıxacaq hər bir futbolçusu yaranan şansdan maksimum yararlanmağa, özünü yaxşı tərəfdən göstərməyə çalışacaq. Biz bu barədə düşünməməyə çalışırıq. "İnter" əsas heyətlə oynasaydı, daha yaxşı olardı. Sabah bizə heç-heçə də bəs edə bilər. Amma meydana qələbə üçün çıxacağıq. "İnter" sıradan rəqib deyil. Azərbaycan və İtaliya futbolunu, çempionatını müqayisə etsək, böyük fərqlərin olduğunu görərik. Belə bir rəqiblə heç-heçə bizim üçün qələbəyə bərabər olacaq. Amma bir halda ki, Ukraynadakı oyunda da oxşar nəticə qeydə alınsın" deyə Qurbanov əlavə edib. (anspress)

Ölkə.Az