“Qarabağ” tarixi sınaq qarşısında

Bu gün Avropa Liqasının qrup mərhələsində VI turun oyunları keçiriləcək.

Ölkə.Az-ın qol.az-a istinadən məlumatına görə, sonuncu turun oyunlarından sonra 1/16 final mərhələsinin bütün iştirakçıları bəlli olacaq.

Turnirdə yeganə təmsilçimiz “Qarabağ” da bu gün meydana çıxacaq. Ağdam klubu doğma meydanda İtaliya nəhənglərindən olan “İnter”lə qarşılaşacaq. “İnter” qrup lideri kimi “pley-off”a vəsiqəni təmin etsə də, “Qarabağ” üçün bugünkü qarşılaşma həlledicidir.

Qurban Qurbanovun komandası qələbə qazanarsa, ikinci pillənin sahibi kimi “pley-off”a yüksələcək. Heç-heçə də “Qarabağ” üçün uğurlu nəticə ola bilər. Bunun üçün qrupun digər oyununda – “Dnepr” – “Sent Etyen” qarşılaşmasında bərabərlik qeydə alınmalıdır.

Xatırladaq ki, İtaliyada keçirilən ilk oyundan “Qarabağ” “İnter”ə 0:2 hesabı ilə məğıub olub.

11 dekabr

Avropa Liqası, qrup mərhələsi, VI tur

21:00.“Qarabağ” (Azərbaycan) – “İnter” (İtaliya)
Hakimlər: Mioslav Zelinka, Andjey Pelikan, İrji Molaçek ( Çexiya)

Ölkə.Az