Qurban Qurbanov: "Nəhayət ki, qələbə qazandıq"

"Qarabağ"ın baş məşqçisi Qurban Qurbanov "Xəzər Lənkəran"la oyunla (3:2) bağlı fikirlərini bildirib.

Fanatlara təşəkkürünü bildirən baş məşqçi bildirdi ki, fanatlar üçün çox maraqlı oyun alındı:

"Onlara öz təşəkkürümü bildirmək istəyirəm. Həmişə bizə dəstək olurlar. Nəticəyə gəldikdə, çox vacib 3 xalı qazandıq. Avropa Liqasında mübarizəni dayandırdıqdan sonra nəhayət ki, qələbə qazandıq. "Xəzər Lənkəran"a uğurlar arzulamaq istəyirəm. Biz isə qarşıdakı oyunlara hazırlaşıb, lazım olan nəticəni qazanmağa çalışacağıq".

Qeyd edək ki, Premyer Liqanın XVII turu çərçivəsində keçirilən bu oyun "Qarabağ"ın 3:2 hesablı qələbəsi ilə başa çatıb. (anspress)

Ölkə.Az