Messidən haqqında çıxan iddialara cavab
Məşhur futbolçu Lionel Messi "Barselona" klubunun baş məşqçisinin işinə son verilməsi üçün onun da səy göstərdiyi barədə yayılmış xəbərləri təkzib edib.
Ölkə.az xəbər verir ki, "Barselona" klubunun rəsmi "Twitter" hesabında Argentina millisinin və ispan "Barselona"sının hücumçusu Messinin klub rəhbərliyindən baş məşqçi Luis Enrikeni işdən azad edilməsi xahişi olmayıb.
Messi isə öz növbəsində verdiyi açıqlamada bunları bildirib:
"Mən klub rəhbərliyindən heç kəsi işdən azad olmasını xahiş etməmişəm. Bizim birləşməyimizin vacib olduğu vaxtda "Barselona" haqqında belə məlumatların yayılmasına çox məyus oldum".
Həmçinin futbolçu əlavə edib ki, onun atası "Çelsi" klubu ilə hər hansı bir danışıq aparmır və o, öz gələcəyi yalnız "Barselona" klubunda görür.
Ölkə.az
