Neftçi Türkiyə klubuna qarşı
Antalyada təlim-məşq toplanışında olan “Neftçi” bu gün növbəti yoxlama oyununu keçirəcək.
Arif Əsədovun komandası Türkiyənin "Elazığspor" klubu ilə qarşılaşacaq.
Bakı vaxtı ilə saat 19:00-da başlanacaq qarşılaşmadan öncə 20 yanvar şəhidlərinin əziz xatirəsi bir dəqiqəlik sükutla yad ediləcək və futbolçular oyuna qara sarğı ilə çıxacaq.
Qeyd edək ki, "Neftçi"nin sabiq futbolçusu Cavid İmamverdiyevin şərəfini qoruduğu "Elazığspor" klubu Türkiyə birinci liqasında geridə qalan 16 turdan sonra 23 xalla turnir cədvəlinin 7-ci pilləsində qərarlaşıb.
Xatırladaq ki, ilk yoxlama matçında Səudiyyə Ərəbistanın “Hajer” klubuna 3:1 hesabı ilə qalib gələn "Neftçi" son oyununda Türkiyə təmsilçisi "Kayseri Erciyesspor"la 0:0 bərabərə qalıb./Qol.az/
Ölkə.Az
