Niyə qaçmalıyıq?

Qədim yunanlar deyirdi: "Güclü olmaq istəyirsəndə - qaç, gözəl olmaq istəyirsənsə - qaç, ağıllı olmaq istəyirsənsə - qaç".

Qaçıs - yaxşı görünmək və formada qalmaq üçün ən mükəmməl və pulsuz üsuldur. Sizə heç bir xüsusi geyim və ya məşq yeri lazım deyil. Lazım olan tək şey - idman ayaqqabıları. Demək olar, ilin istənilən fəslində küçədə qaçmaq mümkündür. Qaçış bir çox xəstəliklərin qarşısını almağa qadirdir. O, sinir sistemi və ürək əzələsini gücləndirir. Qaçış orqanizmə müsbət təsir göstərir.

Ölkə.Az olaraq qaçısın faydalarını siyahı şəklində sizlərə təqdim edirik. Biz niyə qaçmalıyıq?

1. Qaçış ürək və damarlar üçün əla məşqdir. Sizin ürəyiniz daha güclü olur.

2. Qaçış zamanı qan hava ilə dolur. Hava ilə zənginləşmiş qan isə bütün orqanlara daxil olaraq orqanizmin vəziyyətini yaxşılaşdırır.

3. Stres və yorğunluq gün boyu orqanizmdə toplanır. Yorğunluqdan qurtulmaq üçün tərləmək lazımdır. Qaçış isə bu məsələni həll etmək üçün ideal variantdır.

4. Qaçış zamanı xoşbəxtlik hormonu olan endorfin ayrılır. Qanda hormonların səviyyəsi artanda insan eyforiyaya yaxın vəziyyəti hiss edir. Depressiya sizdən uzaqlaşır.

5. Qaçış beynin işini stimullaşdırır. Çox vaxt qaçış zamanı çətin problemlərinizin həlli üçün ideyalar ağlınıza gəlir.

6. Qaçış immuniteti möhkəmlədir. Qanda hemoqlobinin dərəcəsi artır və holesterinin səviyyəsi aşağı düşür. Bu isə aclıq hissini azaldır. Qaçış vaxtı metabolizm yaxşılaşır və piylər əriyir.

7. Siz istənilən vaxt qaça bilərsiz. Səhər vaxtı iş rejiminə hazır olmağa, axşam təzyiqin aşağı düşməsi, iştahın azalması, yuxunun yaxşılaşmasına birbaşa kömək edir.

8. Qaçış böyrək və ciyərlərin işini yaxşılaşdırır.

9. Mütəmadi qaçış əzələ və skeletə müsbət təsir göstərir. Xüsusən bu yaşlılar üçün faydalıdır.

Rəşid Mustafazadə

Ölkə.Az