Ramil Quliyev “İlin kişi atleti” mükafatına namizəddir
Türkiyədə yaşayan Azərbaycan əsilli idmançı Ramil Quliyev Avropa Yüngül Atletika Assosisasiyası” tərəfindən “ilin kişi atleti” mükafatına namizəd kimi göstərilib.
“Ölkə.Az” xəbər verir ki, bu il Almaniyanın paytaxtı Berlin şəhərində Avropa çempionu olan Ramil 26 oktyabr tarixində İsveçrənin Lozanna şəhərində keçiriləcək tədbirdə (Avropa Yüngül Atletika Assosiasiyasının tədbiri) veriləcək “ilin kişi atleti” mükafatına layiq namizədlərdən olub.
200 metrlik məsafədə Avropa çempionu lan Ramil Berlində bu məsafəni 19.76 saniyəyə qaçıb və 39 illik Avropa rekordunu yeniləyib.
Qeyd edək ki, səsvermə sosial şəbəkədə keçiriləcək və 5 oktyabr tarixinə qədər davam edəcək.
Hikmət Həsənov
Ölkə.Az
