“Sumqayıt”-“Qəbələ” oyunu heç-heçə ilə başa çatdı
Oktyabrın 27-də Azərbaycan Premyer Liqasının doqquzuncu turunun ikinci matçında “Sumqayıt” komandası “Qəbələ”ni qəbul edib.
"Ölkə.Az" xəbər verir ki, “Dalğa Arena”da keçirilmiş görüş heç-heçə ilə yekunlaşıb. Baş hakim Orxan Məmmədovun idarə etdiyi oyunda meydan sahiblərinin heyətində 7-ci və 19-cu dəqiqələrdə Şəhriyar Əliyev dubl edib. “Qəbələ”nin heyətində isə Stiven Monroz (41) və Atakora Lalavele (56) fərqlənib – 2:2.
Matçın 89-cu dəqiqəsində qonaqların heyətində Bəhlul Mustafazadə qırmızı vərəqə ilə cəzalandırılıb.
Bu qarşılaşmadan sonra “Sumqayıt” 11 xalla turnir cədvəlində beşinci, “Qəbələ” isə 9 xalla altıncı pillədədir.
Tura oktyabrın 28-də keçiriləcək “Səbail” – “Keşlə” və “Neftçi” – “Qarabağ” görüşləri ilə yekun vurulacaq.
Hazırda “Neftçi” 19 xalla çempionatın lideridir. “Qarabağ” və “Sabah” komandaları 16 xalla ikinci, üçüncü yerləri bölüşürlər.
Ölkə.Az
