Mətn ölçüsü:
  • 100%

Arda Turan xəstəxanaya düşdü

Dünən 28 yaşını qeyd edən Madridin “Atletiko” klubunun türkiyəli futbol ulduzu Arda Turan bu gün təcili xəstəxanaya aparılıb.

Arda Turan zədələndiyindən məşqi qəfil tərk etməli olub.

Klub həkimlərinin müayinəsindən sonra “Atletiko”nun əsas heyət üzvü olan yarımmüdafiəçi təcili olaraq Madriddə özəl xəstəxanaya aparılıb.

“Atletiko”nun baş məşqçisi Dieqo Simeone xəstəxanaya göndərilən milli futbolçunun çox məşq etdiyinə görə əzələsi dartılıb.

Doğum günündə zədələnərək yeni yaşını şanssız bir şəkildə qeyd Arda Turan rəsmi "Twitter" hesabından heyranlarına mesaj göndərib. Ciddi bir şeyin olmadığını Arda Turan "Narahat olan hər kəsə təşəkkürlər. Əhəmiyyətli bir şeyim yox, çox yaxşıyam. Yalnız əzələmlə əlaqədar nəzarət üçün xəstəxanaya gəldim" deyib.

Arda Turanın sağlamlığı ilə bağlı hələlik rəsmi bir açıqlama verilməsə də ulduz futbolçu komandasının “Eybar” la oyununun heyətinə salınmayıb. (ans)

Ölkə.Az