"Böyük oyun": 3 dəqiqədə 2 qol

Topaz Premyer Liqasında XXI tura yekun vurulub.

İkinci oyun günündə üç matç baş tutub. Günə "Bakı" - "Sumqayıt" oyunu ilə start verilib. Autsayderlərin oyunda qol vurulmayıb və matç 0:0 hesabı ilə başa çatıb.

Tur "Böyük oyun"la əlamətdar olub. Belə ki, "Neftçi" və "Xəzər Lənkəran" mövsümün üçüncü derbisinə çıxıb. Qış fasiləsində əksər legionerləri ilə yollarını ayıraraq gənclərə üstünlük verən "Xəzər Lənkəran" Bakıda 0:2 hesabı ilə uduzub. "Neftçi"nin heyətində 65-ci dəqiqədə Julius Vobay, 3 dəqiqə sonra Samir Məsimov fərqlənib.

Turun digər oyununda AZAL "Qarabağ"ı qəbul edib. Qış fasiləsindən sonra keçirdiyi iki oyunda "Neftçi" və "Qəbələ"ni yenən AZAL liderə gücü çatmayıb. "Qarabağ" Reynaldo Silvanın 57-ci dəqiqədə vurduğu qolla qələbəni bayram edib. Beləliklə, Ağdam klubu bu mövsüm AZAL-a qarşı keçirdiyi üçüncü oyunda da qələbə qazanıb - 3:0, 2:1, 1:0. (ans)

Premyer Liqa
2014/15 mövsümü
III dövrə, XXI tur

11 fevral
Bakı - Sumqayıt 0:0
AZAL - Qarabağ 0:1
Qol: Reynaldo Silva, 57.
Neftçi - Xəzər Lənkəran 2:0
Qollar: Julius Vobay, 65. Samir Məsimov, 68.

Ölkə.Az