PSJ “Çelsi”yə, “Şaxtyor” “Bavariya”ya qarşı
Bu gün Çempionlar Liqasında 1/8 final mərhələsinə start veriləcək.
İlk oyunlar çərçivəsində 2 qarşılaşma baş tutacaq.
Lvovda Ukrayna “Şaxtyor”u Almaniyanın ən titullu klubu “Bavariya”nı qəbul edəcək. Fevralın 24-də Türkiyənin Antalya şəhərində Azərbaycan millisi ilə yoxlama oyunu keçirəcək Donetsk təmsilçisi münhenlilərlə çətin matçda azarkeşlərini sevindirməyə çalışacaq. Bu matç iki klub arasında ilk avrokubok görüşü olacaq.
Günün digər oyunu Parisdə baş tutacaq. Fransa PSJ-si İngiltərə təmsilçisi “Çelsi” ilə görüşəcək. Ötən mövsüm rəqibini səfər qolu ilə mübarizədən kənarlaşdıran (1:3, 2:0) londonlular uğurunu təkrarlamaq iddiasındadı. Fransalılar isə həmin məğlubiyyətin əvəzini çıxmağa çalışacaq.
Çempionlar Liqası
1/8 final, ilk oyunlar
17 fevral
23:45. PSJ (Fransa) - “Çelsi” (İngiltərə)
23:45. “Şaxtyor” (Ukrayna) - “Bavariya” (Almaniya)(Apasport.az )
