Oyun vaxtı tribuna çökdü, xəsarət alanlar var

Bu gün futzal üzrə Avropa çempionatının əsas seçmə mərhələsinə start verilib.

V qrupda yer alan milli komandamız bu gün mübarizəyə qoşulub. Yığmamızın ilk rəqibi Belçika millisi ilə saat 21:00-da başlayan oyunda xoşəgəlməz hadisə baş verib. Ölkə.Az-a daxil olan xəbərə görə “Sərhədçi” İdman Kompleksində baş tutan görüş başa çatdıqdan sonra azarkeşlər qələbə sevincini qeyd edərkən tribunanın qarşısındakı dəmir hasarlardan biri çöküb. Nəticədə "Sərhədçi” İdman Kompleksində xadimə çalışan qadınlardan biri xəsarət alıb. Belə ki, həm hasar, həm də azarkeşlərdən bir neçəsi qadının üstünə düşüb. Həkimlərin ilkin tibbi yardımı yetərli olmadığından xəsarət alan qadın dərhal 3 saylı kliniki şəhər xəstəxanasına çatdırılıb.

Qeyd edək ki, matçı izləyən azarkeşlərdən 25-30 nəfəri də yüngül xəsarət alıb.

Hadisə ilə bağlı yeni məlumatlar gəldikcə sizinlə bölüşəcəyik.

Ölkə.Az