Lənkəranda qol yağdı
Milli komandanın oyununa görə Premyer Liqada yarınmış fasilə başa çatıb.
Bu gün XXVII tura start verilib. III dövrənin son turunun ilk oyun günündə 3 matç baş tutub.
Tura "Simurq" - AZAL matçı ilə start verilib. Avropa Liqasına vəsiqə uğrunda yarışan komandaların oyununda bir qol vurulub. 37-ci dəqiqədə Draqan Çeran penaltini dəqiq yerinə yetirərək "Simurq"a qələbə qazandırıb. 44-cü dəqiqədə AZAL da penalti vurmaq imkanı əldə edib. Amma Freddi Mombonqonun zərbəsi dəqiq olmayıb.
Dünən rəhbər dəyişikliyinə gedən "Neftçi" autsayder "Bakı"nı qəbul edib. Hesabı 42-ci dəqiqədə Nikolas Kanales açıb. 65-ci dəqiqədə isə Julius Vobay fərqlənib. Bununla da "Neftçi" 2:0 hesablı qələbə qazanıb.
Günün digər oyununda "Xəzər Lənkəran" doğma meydanda "Sumqayıt"ı sınağa çəkib. Bol qollu keçən oyunda hesabı 10-cu dəqiqədə qonaqlardan Slavik Alxasov açıb. 30-cu dəqiqədə Rasim Ramaldanov bərabərliyi təmin edib. 63-cu dəqiqədə "Xəzər Lənkəran" Ruslan Poladovun avtoqoluna sevinsə də, 6 dəqiqə sonra Aleksandr Çertoqanov yenidən oyunda status-kvo yaradıb. Buna baхmayaraq "Xəzər Lənkəran" qələbə qolunu vura bilib. 87-ci dəqiqədə rəqib qapısına yol tapan Mauel Skarlatake qələbənin müəllifi olub - 3:2.
Qeyd edək ki, tura sabah keçiriləcək "Qarabağ" - "İnter" oyunu ilə yekun vurulacaq. "Qəbələ" isə bu turda istirahət edib. (ans)
Premyer Liqa
2014/15 mövsümü
III dövrə, XXVII tur
1 aprel
Simurq - AZAL 1:0
Qol: Draqan Çeran, 37-pen.
Xəzər Lənkəran - Sumqayıt 3:2
Qollar: Rasim Ramaldanov, 30. Ruslan Poladov, 63 (avtoqol). Mauel Skarlatake, 87 - Slavik Alxasov, 10. Aleksandr Çertoqanov, 69.
Neftçi - Bakı 2:0
Qollar: Nikolas Kanales, 42. Julius Vobay, 65.
Ölkə.Az
