I Avropa oyunları zamanı bazarlarda yoxlama olacaq

I Avropa Oyunlarına 64 gün qalır.

Bunun üçün ölkəyə gələn turistlərin təhlükəsizliyilə yanaşı, onların düzgün qidalanması da vacib amillərdən sayılır. Bunun üçün bazarlara çıxarılan və ya becərilən meyvə-tərəvəzlərin və digər qidaların standartlara cavab verib-verməməsi də gündəmdə olan məsələlərdəndir.

Standartlaşdırma, Metralogiya və Patent üzrə Dövlət Komitəsindən Ölkə.Az-a verilən məlumata görə, son 3 ayda qidaların keyfiyyəti, təhlükəsizliyi, onların standartlara cavab verib-verməməsi, onlarda GMO-in olması ciddi şəkildə araşdırılır.

“Dövlət tərəfindən bizə daha çox uşaq qidaları, meyvə-tərəvəz, eləcə də bəzi dənlik bitkilər bağlı mallar təqdim olumuşdur. Nəticədə GMO baxımından neqativ bir hal aşkar olunmayıb. Məsələn, metatoksinlər və mikrobioloji baxımında bəzi neqativ hallar aşkarlanıb. Və bu barədə aidiyəti orqanlara məlumat verilib”, – deyə qida labaratoriyasının müdiri Türkan Abbasova bildirib.

Komitədən verilən məlumata görə, oyunların iyun ayında keçirilməsi bu ayda bazarlarda meyvə-tərəvəzin bol olmasına təsadüf edir. Bunun üçün də istər ölkəyə gətirilən, istərsə də yerli məhsullar diqqətlə yoxlanır.

Qurum rəsmisi bunun üçün lazımi labaratoriyanın və avadanlıqların olduğunu da bildiridi. Onların sahəsində insan orqaniziminə zərər yetirə biləcək maddələrin qısa zamanda aşkarlanmasını və bu barədə də dərhal aidiyatı üzrə lazımi qurumlara məlumat verilir.

Ölkə.Az