Azərbaycan kuboku: Kim finala yüksələcək

Bu gün Azərbaycan kubokunda finalçılar müəyyənləşəcək.

Ölkə.Az-ın Qol.az-a istinadən məlumatına görə, buna yarımfinal mərhələsinin cavab oyunlarından sonra aydınlıq gələcək.

Günün ilk qarşılaşması Zaqatalada baş tutacaq. Burada yerli "Simurq" klubu "Qarabağ"ı qəbul edəcək. Səfərdə rəqibinə 0:1 hesabı ilə məğlub olan "Simurq" finala yüksəlmək üçün bu oyunda 2 top fərqi ilə qalib gəlməlidir. Ağdam təmsilçisini isə bu görüşdə istənilən heç-heçə də qane edəcək.

Son qarşılaşmada "İnter" və "Neftçi" münasibətlərinə aydınlıq gətirəcək. Səfərdə rəqibinə 0:2 hesabı ilə uduzan Kaxaber Sxadadzenin komandası həmin məğlubiyyətin əvəzini çıxmağa çalışacaq. "Neftçi" isə ən azı ilk görüşdəki üstünlüyünü qorumaqla finala adlamaq niyyətindədir. Paytaxt derbisindən hansı komandanın qalib ayrılacağı maraqla gözlənilir.

21 aprel

Azərbaycan kuboku, yarımfinalın cavab oyunları

18:00. “Simurq” – “Qarabağ”
(İlk oyun - 0:1)
Hakimlər: Orxan Məmmədov, Mehman Mahmudov, Mübariz Haşımov, Munis Abdullayev
Əlavə köməkçi hakimlər: Əliyar Ağayev, Ömər Paşayev
Zaqatala şəhər stadionu.

19:00. “İnter” – “Neftçi”
(İlk oyun - 0:2)
Hakimlər: Elvin Əsgərov, Yaşar Abbasov, Rza Məmmədov, Namiq Hüseynov
Əlavə köməkçi hakimlər: Vüsal Əliyev, Rəhim Həsənov
“İnter Arena”.

Ölkə.Az