"Qalatasaray" Melonu gec tapdı, tez itirdi
"Qalatasaray"ın Braziliyalı oyunçusu Felipe Melo, liqada 69 gün sonra forma geyinmə şansı tapdı. Ancaq Melo 27-ci dəqiqədə gördüyü sarı kartla cəzalı vəziyyətə düşdü.
"Sarı-qırmızılılar"ın amansız bir çempionluq yarışı verdiyi Superliqada ən son 20-ci həftədəki "Balıkesirspor" müsabiqəsində oynayan və sonra bel yırtığı əməliyyatı keçirən Melo, 69 gün sonra komandası ilə yenidən liqa matçına çıxdı.
Ancaq Braziliyalı oyunçunun dönüşünün 27-ci dəqiqəsi yeni bir ayrılığın xəbərçisi oldu. Rəqibi Muhammet Dəmirlə girdiyi mücadələ zamanı Felipe Melo, hakim Mete Kalkavandan sarı kart gördü. Melo bu kartla cəzalı vəziyyətə düşdü və gələcək həftə keçiriləcək "Mersin" matçında iştirak edə bilməyəcək. (musavat)
Ölkə.Az
