Azad Rəhimovun Londona rəsmi səfəri başladı
“Bakı-2015” Avropa oyunlarına hazırlıqla bağlı videoçarx nümayiş olunacaq.
Bu gün keçiriləcək “Bakı-2015” Avropa oyunlarının Londonda təqdimatı məqsədi ilə gənclər və idman naziri Azad Rəhimovun bu şəhərə rəsmi səfəri başlayıb.
Gənclər və İdman Nazirliyinin mətbuat katibi Səmayə Məmmədova bildirib ki, Londonun məşhur “The Dorchester Hotel”ində baş tutacaq qala gecədə nazir Azad Rəhimov, Avropa Olimpiya Komitəsinin prezidenti Patrik Hikki, Britaniya Olimpiya Assosiasiyasının rəhbəri Lord Sebastian Coenin çıxışları nəzərdə tutulub.
Təqdimat mərasimi çərçivəsində qonaqlara “Bakı-2015” Avropa oyunlarına hazırlıqla bağlı videoçarx nümayiş olunacaq.
Eyni zamanda qonaqlara konsert proqramı və Azərbaycan tarixini,mədəniyyətini və digər dəyərlərini özündə əks etdirən fotosərgi də təqdim olunacaq. (ozu.az)
Ölkə.Az
