“Çelsi” çempion!

Futbol üzrə İngiltərə Premyer Liqasında təxirə salınmış bir oyun keçirilib.

Ölkə.Az Qafqazinfo-ya istinadən xəbər verir ki, lider "Çelsi" səfərdə autsayder "Lester"in qonağı olub

"Zadəganlar" ilk hissəni geridə tamamlasa da, ikinci hissədə 3 qol vurmaqla rəqibinə qalib gəlib ki, bu qələbə "Çelsi"nin çempionluğunu elan etməsi üçün kifayət edib (Albrayton, 45 - Droqba, 48. Terri, 79. Ramires, 83). Belə ki, London təmsilçisi sona 4 tur qalmış aktivindəki xalların sayını 80-ə çatdırıb. İkinci pillədəki "Mançester Siti"nin isə 67 xalı var. "Siti" qalan 4 turda maksimum 12 xal toplayıb xallarını 79-a çatdıra bilər ki, bu da qalan 4 oyunun hamısında uduzsa belə, "Çelsi"nin çempionluğuna mane olmur.

Bununla da London təmsilçisi Premyer Liqanın cari mövsümündə erkən çempionluğunu elan edib. Bu Joze Mourinyonun komandaya dönüşündən sonrakı (2013) ilk ölkə çempionluğu olub. Ümumilikdə isə portuqaliyalı "Çelsi"nin baş məşqçisi kimi 3-cü dəfə Premyer Liqanın qalibi olub (2004/05, 2005/06).

Bu zəfər klub tarixində 5-ci İngiltərə çempionluğu kimi qeydə alınıb.

Qeyd edək ki, "Çelsi" cari mövsüm İngiltərədə Liqa Kubokunun da qalibi olmuşdu.

Leicester City 1-3 Chelsea - All Goals... by FootballGoalsHighlights

Ölkə.Az