\"Neftçi\" \"Sumqayıt\"a, \"Simurq\" \"İnter\"ə qarşı

Bu gün Azərbaycan Premyer Liqasının 32-ci turun oyunlarına start veriləcək.

Ölkə.Az-ın Qol.az-a istinadən məlumatına görə, ilk oyun günündə iki qarşılaşma keçiriləcək.

Turun açılış matçı Zaqatalada baş tutacaq. Burada yerli "Simurq" klubu "İnter"i sınağa çəkəcək. Çempionluq iddialarını davam etdirən "İnter"i bu görüşdə yalnız qələbə qane edəcək. Matç saat 17:00-da başlayacaq.

Günün son qarşılaşmasında "Neftçi" və "Sumqayıt" üz-üzə gələcək. Arif Əsədovun komandası bu görüşdə qələbə qazanacağı təqdirdə turnir cədvəlinin üçüncü pilləsindəki mövqeyini qoruyacaq. Bu oyunun start fiti saat 20:00-da veriləcək.

Qeyd edək ki, Premyer Liqada 32-ci tura sabah keçiriləcək iki oyunla yekun vurulacaq.

1 may (cümə)

Azərbaycan Premyer Liqası, 32-ci tur

17:00. “Simurq” – “İnter”
Hakimlər: Fariz Yusifov, Cavanşir Yusifov, Vüsal Qənbərov, İnqilab Məmmədov
Zaqatala şəhər stadionu.

20:00. “Neftçi” – “Sumqayıt”
Hakimlər: Orxan Məmmədov, Akif Əmirəli, Kamran Bayramov, Ramil Əhmədov
8-ci km qəsəbə stadionu.

2 may (şənbə)

17:00. “Bakı” – “Xəzər Lənkəran”
Hakimlər: Ömər Paşayev, Elman Musayev, İsgəndər Əliyev, Ramil Diniyev
“Bakı” FK-nın təlim-məşq bazasının stadionu.

19:00. “Qəbələ” – “Qarabağ”
Hakimlər: Elvin Əsgərov, Yaşar Abbasov, Zeynal Zeynalov, Vüsal Əliyev
Qəbələ şəhər stadionu.

Ölkə.Az