“Ağır olsa da...”
Bu gün Topaz Premyer Liqasında 32-ci turun oyunları keçirilib.
“Qәbәlә” doğma meydanda “Qarabağ”la qarşılaşıb vә matç 1:1 hesabı ilә başa çatıb.
Oyundan sonra qonaqların baş mәşqçisi Qurban Qurbanov fikirlәrini bildirib: “Maraqlı oyun oldu. Qalib gәlmәk istәyirdik. Ağır olsa da bu gün bir xal qazandıq. Yaxşı komandaya qarşı oynayırdıq. Sәhvlәrimiz çox oldu. Tәәssüf edirәm ki, sonuncu dәqiqәdә qol buraxdıq. Futbolda belә şeylәr olur. Futbolun gözәlliyi dә bundadır”.
Qurbanov hakimliklә bağlı mәsәlәyә dә şәrh verib: “Hakimlərə az hallarda etiraz edirәm. Bu gün dә referinin 1-2 sәhvi oldu. Mәni hakimlərə etiraz edәn görmək sizdə dә maraqlı doğurdu”.
***
“Qәbәlә”nin baş mәşqçisi Roman Qriqorçuk da oyunla bağlı fikirlərini bölüşüb: “Qalib gәlә bilmәsәk dә, bizim әn çox bu oyunda qol vurmaq şansımız oldu. Futbolçularımın bu oyuna hazırlıq zamanı istәkli olması mәni sevindirirdi. Hәm iclaslarda, hәm dә mәşqdә çox yaxşı hazırlaşırdıq. Bu gün dә gözәl oyun ortaya qoyduq”.
Ukraynalı mütәxәssis hakimlik haqqında verilәn suala belә cavab verib: "Mәnim yerimә siz qәrar vermәyin. Ehtiyat oyunçular skamyasında özümü narazı kimi aparmadım. Bundan әvvәlki 8-9 oyunda daha çox sәhvlәr olurdu. Amma siz belә sual vermirdiz. Bu gün isә hәr şey yaxşı idi".
Qriqorçuk ona verilәn "ötәn mövsüm "Qәbәlә" Avroliqaya vәsiqә qazanmışdı vә hәmçinin komanda kubokun finalına çıxıb çempionatda 3-cü olmuşdu. Bu il Avroliqa olsa da, daxili yarışlardakı nәticәlәr yaxşı deyil. Nәticәlәri müqayisә edәrdiz" sualına belә cavab verdi: "Mәn 4 aydır ki, komandadayam. Bu cür suallara necә cavab verim?! Çox ağılsız sualdır".
Tәcrübәli mütәxәssis komandanın heyәti haqqında bunları deyib: "Komandamız güclәnmәlidir. Biz hәm Avroliqada, hәm dә çempionatda mübarizә aparmalıyıq. Heyәtimiz hәlә tam komplektlәşmәyib. Biz güclәnmәliyik. Heyәtdәki futbolçular da qarşıdakı oyunlarda özlәrini daha yaxşı göstәrib "mәn burda qalmalıyam" demәlidirlәr".
Çalışdırıcı Rәşad Sadiqovun oyunundan razı qaldığını da sözlәrinә әlavә edib: "Mәn bütün oyunçularımdan razıyam. Elәcә dә Rәşad Sadiqovdan. O, bu gün qarşısına qoyulan bütün vәzifәlәri yerinә yetirdi". (qafqazinfo)
Ölkə.Az
