Avropa Liqasında yarımfinal həyəcanı

Bu gün Avropa Liqasında yarımfinal mərhələsinin ilk oyunları keçiriləcək.

Ölkə.Az-ın Qol.az-a istinadən məlumatına görə, mərhələnin hər iki oyunu eyni gündə baş tutacaq.

Avropa Liqasının son qalibi "Sevilya" klubu öz meydanında "Fiorentina"nı sınağa çəkəcək. İspaniya təmsilçisi titulunu qorumaq üçün "Fiorentina" səddini keçməlidir. İtaliya klubu da finala adlamaq üçün səfər matçından sərfəli nəticə ilə qayıtmağa çalışacaq.

"Qarabağ"la eyni qrupda mübarizə aparmış Ukraynanın "Dnepr" klubu səfərdə "Napoli"nin qonağı olacaq. İtaliya təmsilçisi bu matçın favoriti sayılır. Lakin yarımfinala qədər "Olimpiakos", "Ayaks" və "Brügge" kimi klubları mübarizədən kənarlaşdıran "Dnepr"in "Napoli"yə necə müqavimət göstərəcəyi maraqla gözlənilir.

Qeyd edək ki, Avropa Liqasında yarımfinal mərhələsinin cavab oyunları mayın 14-də keçiriləcək.

7 may

Avropa Liqası, yarımfinalın ilk oyunları

00:05. "Napoli" (İtaliya) - "Dnepr" (Ukrayna)

00:05. "Sevilya" (İspaniya) - "Fiorentina" (İtaliya)

Ölkə.Az