“Onlardan xoşum gəldi”
Bu gün Topaz Premyer Liqasında 33-cü tura start verilib.
“Qarabağ” səfərdə "Xəzər Lənkəran"la 1:1 bərabərə qalıb.
Lənkəran şəhər stadionundakı qarşılaşmadan sonra keçirilən mətbuat konfransında açıqlama verən qonaq komandanın baş məşqçisi Qurban Qurbanov heç-heçəni belə şərh edib:
“Qəbələ” ilə matçdan sonra, yəqin ki, fikirlərimi oxumuşdunuz. Bildirmişdim ki, “Xəzər Lənkəran”a qarşı oynamaq bizim üçün çətin olacaq. Rəqibin heyətindəki gənc və istəkli futbolçular, məncə, tam güclərini ortaya qoydular. Onlardan xoşum gəldi. Futbolçularımdan ciddi narazılığım yoxdu. Uzun yoldan sonra futbolçularım yaxşı təsir bağışladılar. Mövsümün sonuna doğru getdikcə yorğunluq meydana gəlir”. (qafqazinfo)
Ölkə.Az
