11 il əvvəl borca görə prezidenti intihar edən çempion klub - FOTOLAR
26 il sonra prezidentinin intiharı ilə tarixə düşmüş "Adana Demirspor" klubu Super liqaya yüksəlib.
Ölkə.Az xəbər verir ki, Türkiyə futbol klubu 70 xalla 1-ci Liqada çempion olaraq, növbəti mövsümdə əsas turnirdə iştirak edəcək.
Məlumat üçün bildirək ki, 11 il öncə klubun keçmiş prezidenti Bekir Çınar klubun bütün borclarını öz üzərinə götürmüşdü. O, "Adana Demirspor" nailiyyət qazanmadığı üçün intihar etmişdi. Canına qəsd etmədən öncə məktubda "cibimizdə yox idi, ömrümüzdən verdik" yazmışdı. O, 41 yaşında klubun forması ilə eyni rəngdə olan iplə özünü asmışdı.
Bekir Çınar 1 il sözügedən klubun prezidenti olub.
Mərhum klub rəhbəri hələ uşaq yaşlarından “dəmiyoluçular”ın azarkeşlik edib. B.Çınar Yozqatda doğulsa da, “Adana Demirspor”un demək olar ki, hər matçında komandasının yanında olub. Hətta səfər oyunlarında da “dəmiryolçu”ları tək buraxmayıb.
Əməkçilərin klubu sayılan komanda uzun illər Türkiyənin Super Liqasında güclülərlə mübarizə aparıb. Yetərincə azarkeşi olub. Sonralar rəhbərliyin səriştəsiz idarəçili ucbatında “dəmiryolçular” 3-cü liqaya qədər enir. Klub azarkeşləri ilə rəhbərlik arasında ciddi uçurum yaranır. Nəhayət komandanın ən ağır günlərində fanatların tələbi ilə tibb sahəsində böyük iş adamı olan Bekir Çınar “Adana Dəmirspor”un prezidenti seçilir. O isə azarkeşlər nə deyərsə, bunu da edəcəyinə söz verir.
Fanatların istəyi ilə çətinliklə də olsa, İtaliyanın “Seria A”da çıxış edən “Livorno” klubunu Adanaya gətirdə bilir. İtaliyalıların bu qədər arzu olunması bu komandanın “dəmiryolçular” kimi əməkçi klubu olmasıydı (matçın baş tutması, tarixi hadisə kimi qiymətləndirilir - ölkə.az).
Bekir Çınar “dəmiryolçular”ın prezidenti olduğu dönəmdə azarkeşlər və klub üçün əlindən gələni edirdi, lakin komandanın borcu həddindən çox idi. Klubun başında olan zaman bütün xərcləri öz cibindən ödəyirdi. 
B.Çınar az qala qapı-qapı düşüb klubun çətin vəziyyətində maddi yardım alması üçün əlindən gələni əsirgəmir, kampaniyalar təşkil edirdi. Lakin bütün cəhdləri uğursuzluqla nəticələndi. Kömək edənlərin məhz “dəmiryolçu”ların azarkeşləri oldu. Bekir Çınar televiziyaya çıxıb çarəsiz vəziyyətdə qaldıqlarını və yardım etməyənlərə görə təəssüfləndiyini söylədi.
Klub maliyyə probleminə görə, hətta tarixə qovuşaraq ləğv olunma təhlükəsi ilə üz-üzə idi. Lakin “Adana Dəmirspor” ləğv olunsaydı belə, yenə borcları qalacaqdı. Bekir Çınar məcburiyyətdən borca girərək klubun maliyyə məsələlərini həll etməyə çalışır. Borc aldığı sələmçilər pulu qaytarmasını tələb edir və onu təhdid edirdilər.
Vaxtı ikən maliyyə vəziyyəti yaxşı olmuş iş adamı çarəsiz vəziyyətdə qalır, nəticədə ailəsini yaxın dostuna əmanət edərək öz canına qıyır.
İndi isə klubu onun arzusunu gerçəkləşdirə bilib. Bekir Çınarın komandası Turkiyənin Super Liqasına yüksəlib. Hazırda Türkiyə mətbuatı məhz B.Çınarın cəmi bir il ərzində, ən çətin dönəmlərini yaşayan “Adana Demirspor” uğrunda etdiklərini yada salır.
"Hər nə olursa olsun, Bekir Çınarın klubu üçün etdikləri unudulmaz" deyilir...
Hazırladı: Ölkə.Az
