Avropa Oyunlarının 11 erməni iştirakçısı artıq məlumdur

Ermənistanın cüdo, atıcılıq və boks üzrə Bakıda Avropa Oyunlarında iştirak edəcək nümayəndələrinin adları məlum oldu.

Atıcılıqda Ermənistanı Qraçik Babayan (pnevmatik tüfəng) və Norayr Arakelyan (pnevmatik tapança) təmsil edəcəklər. Cüdoçuların yarışında Bakı tatamisində Oqanes Davtyan (60 kq), David Nikoqosyan (73 kq) və Janna Stankeviç (52 kq) çıxacaqlar.

Ermənistan yığmasının atıcılıq idmanı üzrə baş məşqçisi Seyran Nikoqosyan deyib ki, bütün bu günlərdə erməni idmançıları Ermənistan Respublikası Gənclər və İdman Nazirliyinin İrəvan idman məktəbində məşq edirlər. May ayının 26-da Qraçik Babayan Suren Beryan ilə bərabər Münhendə keçirilən dünya kuboku uğrunda mübarizənin dörd mərhələsindən üçündə iştirak edəcəklər. Daha sonra onlar İrəvanda məşq edəcəklər, 14 iyunda isə atıcılar Bakıya yollanacaqlar. Babayan 16 və 20 iyunda (10 və 50 m. məsafəyə pnevmatik tüfəngdən atəş), Arakelyan isə 18 və 21 iyunda (10 və 50 m. məsafəyə pnevmatik tapançadan atəş) starta çıxacaq.

Azərbaycan rinqinə çıxacaq altı erməni dəri əlcək ustadlarının adları da məlum oldu. Yığmanın baş məşqçisi Karen Ağamalyanın rəhbərliyi altında Bakıya Artem Aleksanyan (49 kq), Narek Abqaryan (52 kq), Aram Avakyan (56 kq), Samvel Barseqyan (60 kq), Oqanes Baçkov (64 kq) və Nikol Artunyan (81 kq) gələcəklər.

Karen Ağamalyan bildirib ki, Aleksanyan, Abqaryan, Avakyan və Artunyan bu yaxınlarda Minskdən beynəlxalq turnirdən gəliblər və indi İrəvanda ümumi hazırlıq keçirlər. Mayın 18-də Barseqyan və Baçkov Kaunasa beynəlxalq turnirinə yollanacaqlar. Mayın 30-dan 12-nə qədər bütün altı boksçu təlim məşqlərində iştirak edəcəklər. Məşqlər Abovyan və ya Tsakadzorda keçiriləcək. Komanda Bakıya iyunun 14-də gələcək, 15-də çəki yoxlaması aparılacaq. İlk olaraq rinqə iyunun 16-da Barseqyan, Baçkov və Artunyan çıxacaq.

Xatırladaq ki, Ermənistan Avropa Oyunlarında güləş, taekvando və sambo üzrə də təmsil ediləcək.oxu.az

Ölkə.Az