Şahmat turnirinin qalibləri mükafatlandırıldı

Qaliblərə diplom və pul mükafatı təqdim olunub.

Ölkə.Az xəbər verir ki, bu gün Bakı Dövlət Universitetində Tələbə Həmkarlar İttifaqı Komitəsi (THİK) və İdman klubunun birgə təşkilatçılığı ilə Ulu Öndər Heydər Əliyevin 92 illiyinə həsr olunmuş idman dərəcəli tələbələr arasında şəxsi birincilik yarışları üzrə turnirin təltifetmə mərasimi keçirilib.

Tədbirdə THİK-in sədri və komitə əməkdaşları, İdman klubunun müdiri dos. Akif Atakişiyev, klubun əməkdaşı Aləddin Paşayev və şahmat üzrə BDU-nun idman dərəcəli tələbələri iştirak ediblər.

Turnirdə iştirak edərək I, II, III yerə layiq görülən tələbələr kubok, diplom və pul mükafatları ilə təltif olunublar.

Rəşid Mustafazadə

Ölkə.Az