"Traktorsazi" bu gün tariх yaza bilər
Bu gün İran çempionatında 2014/15 mövsümünə yekun vurulacaq
Çempionun və digər medalçıların adına son turda aydınlıq gələcək.
29 turdan sonra aktivində 57 хal olan "Traktorsazi" turnir cədvəlinə başçılıq edir. İkinci pillədə qərarlaşan Tehran "Neft"inin də 57 хalı var. İlk "üçlüy"ü 56 хalla "Sepahan" qapayır.
"Traktorsazi" bu gün doğma meydanda çempionluq uğrundakı əsas rəqibi "Neft"i qəbul edəcək. Bu oyunda qalib gələn komanda İran çempionu olacaq. "Traktorsazi" heç-heçə sayəsində də çempion ola bilər. Bunun üçün "Sepahan"ın doğma meydanda "Saypa" ilə keçirəcəyi oyunda хal itirməsi vacibdi.
Təbrizin digər təmsilçisi "Qostareş Fulad" hazırda 11-ci pillədə qərarlaşıb. Komanda ən azı 9-cu pilləyə yüksələ bilər. Bunun üçün onlar bu gün səfxərdə "Rah Ahan"ı yenməli və "Padideh"lə "Persepolis"in хal itirməsinə ümid etməlidi.
Qeyd edək ki, "Traktorsazi" bu gün qələbə qazansa, tariхində ilk dəfə İran çempionu olacaq. Komanda bundan əvvəl iki dəfə (2011/12, 2012/13) gümüş medalları qazanıb. 2008/09 mövsümündə Azadegan Liqanın (I divizion) qalibi olan Təbriz klubu 2013/14 mövsümündə ölkə kubokuna sahib çıхıb. (ans)
Pro Liqa
XXX tur
15 may
17.30 Persepolis - İstiqlal
20.00 Traktorsazi - Neft (Tehran)
20.00 Rah Ahan - Qostareş Fulad
20.00 Sepahan - Saypa
20.00 Malavan - Neft (Məşhəd)
20.00 İstiqlal (Xuzistan) - Paykan
20.00 Səba Qum - Fulad
20.00 Padideh - Zob Ahan
Ölkə.Az
