“RQ”: Bakıya daha sərt tələblər qoyulub"

Məşhur “Rossiyskaya qazeta” nəşri Hollandiyanın 2-ci Avropa Oyunlarının keçirilməsi üçün mübarizədə qalib gəlməsini və Hollandiyanın Avropa Oyunlarına xərcləməyə hazır olduğu pulu Azərbaycanda xərclənən pul ilə müqayisəli təhlilini aparıb.

“Hollandiya Bakıdan sonra 2-ci Avropa Oyunlarını qəbul edəcək. Bu, İcra komitəsində ölkənin yeganə namizəd kimi saxlanıldıqdan sonra mayın 16-da Avropa Olimpiya Komitələrinin (AOK) Fövqəladə Baş Assambleyasında qərara alınıb. AOK-un prezidenti Patrik Hikki daha altı namizəd ilə söhbət aparıb. Amma mümkün namizədləri ərizə xərclərinə düçar etmək istəməyib”.

“Hollandiyanın ərizəsi ən yaxşı hesab edilib. Ev sahibləri onların xərclərinin Bakının xərclərindən az olacağını ehtimal edirlər. İlkin büdcə həqiqətən təvazökarlığı ilə təəccübləndirir – 145 milyon dollar. Hökumət bu məbləğin 31 milyonu ilə məhdudlaşacaq, 57 milyonu isə yerli hakimiyyətdən alınacağı gözlənilir.

Oyunlar ölkənin 9 şəhərində keçiriləcək. İdman növləri dörddə bir dəfə azaldılıb. Bakıda 20 oyun növü olacaq, ikinci Avropa Oyunlarında cəmi 15 idman növü olacaq. Medallar uğrunda çarxlı konkisürmə və at idmanı növündə mübarizə aparılacaq. Bakı proqramında onlar qeyd edilmir.

Tikintiyə çəkilən xərc minimaldır. Belə ki, bir neçə növ üzrə medallar uğrunda mübarizə Amsterdamda, 1928-ci il Olimpiadasının keçirildiyi Olimpiya stadionunda aparılacaq. Üzgüçülər isə Eyndhovendə Sarayda yarşacaqlar. Olimpiya kəndi üçün də qənaət etmiş olacaqlar. Belə ki, bütün iştirakçıları müvafiq şəhərlərin otellərində yerləşdirəcəklər.

Prezident Hikki bunu belə şərh edib: Biz bu prosesə müdaxilə etməyəcəyik. Hollandiya kiçik ölkədir, idmançılar yarış yerinə çatmaqda əziyyət çəkməyəcəklər.

Xatırladaq ki, Hikki və Ko Bakıya daha sərt tələblər irəli sürmüşdülər.

Qeyd edək ki, Avropa Oyunlarına burada daha böyük səylə və daha böyük xərclə hazırlaşıblar”.oxu.az

Ölkə.Az