Kristian Eriksen xəstəxanadan çıxdı
Danimarka yığmasının futbolçusu Kristian Eriksen xəstəxanadan evə buraxılıb.
"Ölkə.Az" bildirir ki, bu barədə Danimarka Futbol İttifaqı məlumat yayıb.
O, əməliyyat olunub və ürəyinə kardioverter-defibrilyator quraşdırılıb. 29 yaşlı yarımmüdafiəçinin özünü yaxşı hiss etdiyi bildirilir.
Qeyd edək ki, Eriksen iyunun 12-də Finlandiya ilə matçda huşunu itirib, xəstəxanaya çatdırılmışdı.