AVRO-2020: Hollandiya və Avstriya 1/8 finalda
Avro-2020-də C qrupunun son oyunları keçirilib.
"Ölkə.Az" xəbər verir ki, Ukrayna və Avstriya millilərinin görüşündə matçın taleyini 1 qol həll edib. 21-ci dəqiqədə Kristof Baumqartnerin vurduğu qolla Avstriya xallarını 6-ya çatdırıb və qrup ikincisi kimi 1/8 finala vəsiqə qazanıb. Ukrayna isə ən yaxşı 4 qrup üçüncüsü olmaq üçün gözləməli olacaq.
Qrupun digər oyununda Hollandiya Şimali Makedoniyanı 3 cavabsız qolla məğlub edib və xallarınını sayını 9-a çatdıraraq qrup birincisi kimi 1/8 finala vəsiqə qazanıb. Şimali Makedoniya isə 0 xalla çempionatla vidalaşıb.
