Türkiyə klubu Yarmolenko "bomba"sını partladır
"Fənərbağça" Ukrayna yığmasının kapitanı Andrey Yarmolenkonu sıralarına qatmağa yaxındır.
Ölkə.Az offsideplus-a istinadən xəbər verir ki, İstanbul təmsilçisi 31 yaşlı forvard üçün "Vest Hem" klubu ilə rəsmi təmaslara başlayıb. Artıq razılığın əldə olunduğu bildirilir.
Məlumatlarda "Vest Hem"in sözügedən oyunçunun sərbəstqalma məbləğini 2 milyon avroya düşürdüyü də qeyd edilir.
Qeyd edək ki, Avro-2020-də parlaq oyunu ilə seçilən Yarmolenko 2018-ci ildən İngiltərə klubunun şərəfini qoruyur.