\"Kəpəz\"dən növbəti \"transfer bombası\"
Azərbaycan millisinin üzvü Cavid İmamverdiyevi sıralarına qatmaqla diqqət çəkən "Kəpəz" növbəti transfer gerçəkləşdirib.
Ölkə.az-ın fanat.az-a istinadən verdiyi məlumata görə, bu yaxınlarda Gürcüstan "Samtredia"sı ilə yollarını ayıran İbrahim Qədirzadə Gəncə klubu ilə anlaşıb. "Kəpəz"in baş məşqçisi Yaşar Vahabzadə saytımıza açıqlamasında xəbəri təsdiqləyib: "İbrahim artıq bizim oyunçudur. Bu yaxınlarda klubundan ayrılıb. Danışdıq, razılaşdıq. Mövsümün hazırlıqlarına başlayanda sıralarımıza qatılacaq".
Qeyd edək ki, İbrahim Qədirzadə "Samtredia"dan əvvəl "Neftçi-2" və "Qarabağ"ın U-19 komandasının formasını geyinib. Futbolçu "Xəzər Lənkəran" klubunun yetirməsidir.
