Azərbaycan millisinin sabiq futbolçusuna qadağa qoyulub

AFFA İntizam Komitəsi Azərbaycan millisinin sabiq futbolçusu Ramal Hüseynovu cəzalandırıb.

Ölkə.az-ın report-a istinadən məlumatına görə, buna hazırda "Səbail"in U-19 komandasında çalışan veteran yarımmüdafiəçinin ROFM klubu ilə matçda hakimi təhqir etməsi və ona hədə-qorxu gəlməsi səbəb olub.

Nəticədə Hüseynovun stadiona girişinə 15 oyun qadağa qoyulub.

Qeyd edək ki, Ramal Hüseynov 2001-ci ildə yığmanın formasını geyinib. O, müxtəlif vaxtlarda "Qarabağ", "Neftçi", "Turan", "Kəpəz" klublarının, həmçinin Türkiyədə "Kocaelispor"un şərəfini qoruyub.