“Mançester Yunayted” Tofiq Bəhramovun fotosunu səsverməyə çıxardı - FOTO
“Mançester Yunayted”in rəsmi saytı “Old Trafford”un ətrafında yerləşdiriləcək yeni şəkillər üzrə səsvermə keçirir.
"Ölkə.Az"ın oxu.az-a istinadən məlumatına görə, şəkillər arasında 1968-ci il Çempionlar Kubokunun yarımfinal oyunu zamanı çəkilən Tofiq Bəhramovun görüntüləndiyi foto da var.
Həmyerlimizin şəklini “Old Trafford”da görmək istəyənlər bu linkə daxil olaraq səs verə bilərlər.
Qeyd edək ki, şəkil “Real Madrid” – “Mançester Yunayted” arasında keçirilən cavab matçında çəkilib. Qarşılaşma 3:3 hesablı bərabərliklə bitib. Lakin ilk oyundakı minimal hesablı qələbə sayəsində finala məhz mankunianlar vəsiqə qazanıb və həmin mövsümdə turnirin qalibi olmağı bacarıblar.
