Maradona FIFA prezidenti ola bilər

"Onun böyük nüfuzu var".

Ölkə.Az "Ahora" nəşrinə istinadən xəbər verir ki, Argentina yığmasının keçmiş hücumçusu Dieqo Maradona Beynəlxalq Futbol Federasiyasının (FIFA) prezidenti vəzifəsinə namizədliyini irəli sürmək fikrindədir.

Bu barədə məlumat uruqvaylı jurnalist Viktor Morales tərəfindən yayılıb.

"Dieqo FIFA-da dəyişikliklər istəyir, buna görə o, təşkilatın prezidentliyinə namizədliyini irəli sürmək istəyir. O, FIFA ətrafında münaqişədə iştirak etməkdən imtina edib, mübarizə aparmağı seçib. Onun böyük nüfuzu var", - deyə Morales bildirib.

Xatırldaq ki, iyun ayında FİFA prezidenti Yozef Blatter istefa verib və bu barədə Sürixdə keçirilən mətbuat konfransında bildirib.

Blatterin postundan istefa verməsinə səbəb FİFA-da məlum rüşvət qalmaqalı və yüksək vəzifəli məmurların həbs olunmasıdır. Blatterin istefa qərarı FİFA-da gözlənilməz olub və o, keçirilən prezident seçkilərində sayca üçüncü dəfə FİFA prezidenti seçilmişdi.

Rəşid Mustafazadə

Ölkə.Az