Azərbaycandan olan özəl şirkət “Latsio”ya sponsorluq etmək istəyir
Azərbaycandan özəl şirkət Romanın “Latsio” futbol klubunun yeni sponsoru ola bilər, “Corierre dello Sport” qəzeti yazır.
Mənbənin məlumatına görə Azərbaycanın səfiri Vaqif Sadıqov bildirib ki, hal-hazırda müvafiq danışıqlar gedir. Ölkə.Az “Çempionat”a istinadən xəbər verir.
“Azərbaycan şirkətlərindən biri ilə danışıqların getdiyini təsdiqləyə bilərəm.
Mənim məlumatıma görə, söhbət bizim özəl şirkətlərdən birindən gedir. Məndə hələlik ətraflı məlumat yoxdur. Yalnız deyə bilərəm ki, futbol Azərbaycanda ən mühüm idman növlərindəndir, biz idmana xüsusi diqqət və məhəbbətlə yanaşırıq”, - səfir bəyan edib.
Danışıqların mayda başlanıldığı qeyd olunur.
Ölkə.Az
