Zülfiyyə Hüseynovadan xanım cüdoçulara örnək

Cüdo üzrə dördqat, sambo üzrə beşqat dünya çempionu Zülfiyyə Hüseynova növbəti titulunu qazanıb.

Bu barədə Ölkə.az-a xanım idmançı özü məlumat verib. Hüseynova bildirib ki, bir neçə gün öncə Macarıstanda veteranlar arasında Avropa çempionu olub:

"Macarıstanda veteran cüdoçular arasında Avropa çempionu oldum. Çəkim 66 kiloqram olsa da, 70 kiloqram çəki dərəcəsində çıxış edirdim. Şükürlər olsun ki, qalib gəldim".

Qeyd edək ki. Zülfiyyə Hüseynova cüdo və samboda Azərbaycanın ən titullu qadın idmançısıdır.

İntiqam VALEHOĞLU
Ölkə.az