Mətn ölçüsü:
  • 100%

"Liverpul" ilk finalçı oldu, rəqibi bu gün bəlli olacaq - VİDEO

İngiltərənin "Liverpul" komandası UEFA Çempionlar Liqasında finala yüksəlib.

Ölkə.Az xəbər verir ki, doğma meydanda 2 top fərqi ilə qalib gəlmiş "qırmızılar" səfər oyununda sürprizə imkan verməyiblər. Hərçənd matçın əvvəlində ev sahiblər 2:0 üstünlüyü qazanmağı bacarıb.

Fasilədən sonra "Liverpul" dönüş etməyi bacarıb. Fabinyo 62-ci, Luis Dias 67-ci, Sadio Mane isə 74-cü dəqiqədə fərqlənib. 

UEFA Çempionlar Liqası, yarımfinal

3 may

23:00. "Vilyarreal" (İspaniya) - "Liverpul" (İngiltərə) - 2:3

Qollar: Bulaye Dia, 3. Fransis Koklen, 41 - Fabinyo, 62. Luis Dias, 67. Sadio Mane, 74

Qırmızı vərəqə: Etyen Kapu, 86 ("Vilyarreal")

Bu gün  isə UEFA Çempionlar Liqasında növbəti finalçının adına aydınlıq gələcək.

İspaniya "Real Madrid"i yarımfinal mərhələsinin cavab oyununda İngiltərənin "Mançester Siti" klubunu qəbul edəcək. "Santyaqo Bernabeu" stadionundakı matçın baş hakimi italiyalı Daniele Orsato olacaq.

Komandalar arasında Mançesterdə keçirilmiş ilk oyunda "şəhərlilər" 4:3 hesablı qələbə qazanıb. Cütün qalibi finalda İngiltərə "Liverpul"u ilə üz-üzə gələcək.