\"Real Madrid\" inanılmazı etdi: 1 dəqiqəyə iki qol, finala vəsiqə - VİDEO
UEFA Çempionlar Liqasının növbəti finalçısı məlum olub.
Ölkə.Az xəbər verir ki, yarımfinal mərhələsində İspaniyada baş tutan cavab oyununda İngiltərənin "Mançester Siti" klubu qarşısında hesabda geri düşən Kral klubu rəqibini məğlub etməyi bacarıb. Qonaqları 3:1 hesabı ilə məğlub edən "Real Madrid" həlledici qarşılaşmaya vəsiqə qazanıb.
Hesabı 73-cü dəqiqədə "şəhərlilər"in futbolçusu Riyad Mahrez açıb. Qarşılaşmanın son dəqiqələrində Rodriqonun vurduğu qollarla madridlilər ümumi hesabı bərabərləşdirib. Bu səbəbdən görüşdə əlavə vaxt oynanılıb. 95-ci dəqiqə bu mövsümün diqqət mərkəzində olan Kərim Benzema penaltidən fərqlənməklə, 3-cü topu rəqibin qapısından keçirib.
Qalan dəqiqələrdə isə hesab dəyişilməz olub.
UEFA Çempionlar Liqası, yarımfinal
Cavab oyunu
4 may
23:00. "Real Madrid" (İspaniya) - "Mançester Siti" (İngiltərə) - 3:1 (ilk oyun 3:4)
Qollar: Rodriqo - 90; 90+1, Riyad Mahrez - 73, Benzema - 95.
Baş hakim: Daniele Orsato (İtaliya)
