“Neftçi”nin baş məşqçisi bərabərliyi belə şərh etdi
Bu gün UEFA Avropa Liqasında I təsnifat mərhələsi çərçivəsində keçirilən "Neftçi" - "Mladost" oyunundan sonra "Neftçi"nin baş məşqçisi Samir Әliyev fikirlərini belə bölüşüb.
Baş məşqçi 2:2 hesablı bərabərlikdə başa çatan oyun haqda jurnalistlərin suallarını cavablandırıb:
- Sizi tәbrik etmәliyik, yoxsa üzülmәliyik?
- Ümumi baxanda normal heç-heçәdir. Yeni komandayıq vә hazırlaşmağa vaxtımız az oldu. Hәlә heç nә bitmәyib. Biz sәfәrdә rәqibi әks-hücumlarda tuta bilәrik. Çünki hazırlıqda da ancaq әks-hücumlar üzәrindә işlәdik. Vaxtımız olmadı ki, komanda hücumları üzәrindә işlәyәk".
- Nәzәrә alsaq ki, hazırlıq zamanı oyunlarda da qol vura bilmәmisiz. Sәfәrdә qol vurmaq imkanınız olacaq?
- Fikrimcә, bunu bacara bilәrik. Çünki komandanın gücü var. Kaue Silvanın da sәfәr oyununda oynayacağını nәzәrә alsaq, ümidliyik.
- Samir Mәsimovu niyә әvәzlәmәdiz?
- Әlimizdә olanlardan istifadә edirik. Gördünüz ki, bәzi futbolçular hәtta ilk dәfә Avroliqada meydana çıxırdı. Belә oyunlarda tәcrübә lazımdır. (qafqazinfo)
Ölkə.Az