Mətn ölçüsü:
  • 100%

Toylar təxirə salınır - Avropa Liqasına görə

Mayın 18-də Sevilyada keçiriləcək “Ayntraxt” və “Reyncers” komandaları arasında Avropa Liqasının finalına görə Frankfurt şəhər qeydiyyat idarəsi ertəsi günə salınan doqquz toyu ləğv edib. 
 
Ölkə.az fanat.az-a istinadən xəbər verir ki, Almaniya təmsilçisi finalda qalib gəlsə, ayın 19-da meriyanın qarşısında böyük şənlik keçiriləcək.
 
Qeydiyyat idarəsinin rəis müavini Nataşa Kex bu haqda alman mediasına belə deyib: "Şadlıq sarayının önündə on minlərlə emosional futbol azarkeşinin sayəsində yeni evlənənlərə gözəl atmosfer yaşada bilmərik. Ona görə toyları ertələdik. Bu qərar asan olmadı. Halbuki insanlar üçün toy mühüm həyat hadisəsidir. Bu gündə hər şey mükəmməl olmalıdır, çünki hər kəs bunu ömrünün sonuna qədər xatırlayır". 
 
“Ayntraxt”dan isə bildirib ki, meriyanın qarşısındakı bayram yalnız komandanın Avropa Liqasının qalibi adını qazanacağı təqdirdə baş tutacaq.
 
"Ayntraxt" və "Reyncers" arasında Avropa Liqasının finalı mayın 18-də Sevilyadakı Ramon Sançes Pisxuan stadionunda keçiriləcək. Hər klubun 10 000 bilet almaq hüququ var, lakin Sevilyaya 70 000 "Reyncers" azarkeşinin və təxminən 45 000 alman tərəfdarının gələcəyi gözlənilir.