"Qarabağ"ın sifariş ərizəsi: kim var, kim yox?
"Qarabağ" Çempionlar Liqası üçün heyətini açıqlayıb. Ağdam klubu UEFA-ya təqdim etdiyi sifariş ərizəsinə 24 futbolçunun adını salıb.
Baş məşqçi Qurban Qurbanov heyətdə 3 qapıçıya, 9 müdafiəçiyə, 11 yarımmüdafiəçiyə, 1 hücumçuya yer verib.
"Qarabağ" yeni transferlərinin hamısını - Coşqun Diniyev, Elvin Məmmədov, Azər Salahlı, Vüqar Mustafayev, Alharbi El Jadeyui və Elvin Yunuszadəni, həmçinin AZAL-dan icarədən qayıdan Elton Yaqublunu sifariş edib.
Qurban Qurbanov siyahıya türk qapıçı daхil edib. Belə ki, Halit Oğuzhan komandanın üçüncü qapıçısı olacaq. Əvəzində zədəsini sağaltmayan Çumbinyo sifariş edilməyib.
Qapıçılar: 1. Fərhad Vəliyev, 13. İbrahim Şehiç, 94. Halit Oğuzhan.
Müdafiəçilər: 2. Qara Qarayev, 4. Eltun Yaqublu, 5. Maksim Medvedev, 14. Rəşad Sadıqov, 19. Azər Salahlı, 23. Tural Rzayev, 25. Ansi Aqolli, 32. Elvin Yunuszadə, 55. Bədavi Hüseynov.
Yarımmüdafiəçilər: 6. Vüqar Mustafayev, 7. Namiq Yusifov, 9. Reynaldo Silva, 10. Daniel Kintana, 11. Elvin Məmmədov, 18. İlqar Qurbanov, 20. Riçard Almeyda, 33. Eltun Turabov, 67. Alharbi El Jadeyui, 77. Cavid Tağıyev, 91. Coşqun Diniyev.
Hücumçu: 99. Namiq Ələsgərov.
Qeyd edək ki, Azərbaycan çempionu Çempionlar Liqasının II təsnifat mərhələsindən mübarizəyə başlayacaq. Ağdam klubunun ilk rəqibi Çernoqoriya "Rudar"ıdı. Bu komanda ilə ilk oyun iyulun 15-də Bakıda, Tofiq Bəhramov adına Respublika stadionunda keçirəcək.
Ölkə.Az