Ronaldonu bu kluba təklif etsələr də, rədd cavabı aldılar - Danışıqlar gedir

"Mançester Yunayted"in hücumçusu Kriştiano Ronaldo karyerasını yenidən İtaliyada davam etdirə bilər.

Ölkə.az xəbər verir ki, "qırmızı şeytanlar"ın nümayəndələri portuqaliyalı ulduzu "Yuventus"a təklif ediblər. Bu barədə italiyalı idman jurnalisti Paolo Paqanini məlumat yayıb. Xəbərə görə, Mançester təmsilçisinin rəsmiləri Turin klubunun yarımmüdafiəçisi Adrien Rabyonun transferi ilə bağlı danışıqlar masasına Ronaldonu da daxil etmək istəyirlər. Lakin "Yuventus" bu təklifə razılıq verməyib. Buna baxmayaraq futbolçunun agenti Jorje Mendeş hələ də "qoca sinyora" ilə müzakirələri davam etdirir.

Qeyd edək ki, Ronaldo 2018-2021-ci illərdə "Yuventus"da oynayıb.