Cavid Hüseynovdan kiprlilərə növbəti cavab
Avropa Liqasının III təsnifat mərhələsində Kiprin "Apollon" klubunu mübarizədən kənarlaşdıran "Qəbələ" tarixində ilk dəfə pley-off mərhələsində oynamaq hüququ əldə edib.
Bu uğura evdə Kipr təmsilçisinə 1:0 hesabı ilə qalib gəlməklə imza atan "qırmızı-qaralar"ın yeganə qolunu Cavid Hüseynov penaltidən vurub.
Kiprdəki baş tutan ilk oyunun son dəqiqələrində vurduğu qoldan sonra etdiyi jestlə diqqət mərkəzinə düşən Cavid bu dəfə də matçın qəhrəmanı olub. Komandasına qələbə qazandıran millimizin üzvü matçın final fitindən sonra qələbəni Azərbaycan və Türkiyə bayraqları ilə dövrə vuraraq qeyd edib.
Xatırladaq ki, Kiprdə keçirilən ilk görüşdə "Apollon" azarkeşləri Azərbaycan bayrağına qarşı hörmətsizlik etmişdi. Cavid Hüseynov da bayrağımızın təhqir edilməsinə etiraz əlaməti olaraq 90 5-ci dəqiqədə penaltidən vurduğu qoldan sonra kiprli azarkeşlərə jest etməklə cavab vermişdi.Qol.Az
Ölkə.Az
