Sərgən Yalçın Super Liqaya qayıdır
Türkiyə Super Liqasının son 9 turunda qalib gələ bilməyən "Qaziantep"də radikal dəyişikliklərə qərar verilib.
Fanat.Az xəbər verir ki, türkiyə mətbuatında "qırmızı-qaralar" çalışdırıcısı Erol Bulutla yollarını ayıracağı iddia edilir. 2021-ci ildən Antep təmsilçisinin uğurları üçün çalışan Bulutun yerinə 3 nəfər namizəddir. Yeni prezidentin bir neçə gün sonra Sergen Yalçın, İlhan Palut və Levent Şahinlə görüşəcəyi bildirilir.
İddialara görə sözü gedən posta ən real namizəd 2020-2021 mövsümündə "Beşiktaş"la çempionluq yaşayan, 2013-2014 və 2015-2016-cı illər arasında iki fərqli dövrdə "Qaziantepspor"u çalışdıran Sergen Yalçındır.
Qeyd edək ki, çempion məşqçi 2021-ci il dekabrın 9-dan “ağ-qaralar”dan ayrıldıqdan sonra işsizdir.