Məşhur baş məşqçi istefaya göndərildi

İtaliyanın “Benevento” klubunun baş məşqçisi Fabio Kannavaro istefaya göndərilib.

“Ölkə.az” xəbər verir ki, bu barədə B seriyası təmsilçisi rəsmi saytı vasitəsilə məlumat yayıb.

Məşhur mütəxəssisin postundan uzaqlaşdırılmasına səbəb komandanın uğursuz çıxış etməsidir. 49 yaşlı baş məşqçi ilə yanaşı, köməkçi məşqçi vəzifəsində çalışan kiçik qardaşı Paolo Kannavaro da istefaya göndərilib.

Qeyd edək ki, “Benevento” 23 oyundan sonra turnir cədvəlinin 19-cu pilləsində qərarlaşır. Kannavaro 2022-ci ilin sentyabrında B seriyası klubuna təyin olunub.